tg-me.com/Saadhadi83/5187
Last Update:
يا جـَــد الجواد
يا بـاب الـمُــراد
عهدي .. تلگاني كل عام
بحزني .. ياسابع ايمام
يوشّحني السواد
يا بـاب الـمـُــراد
•••
سيدي وهذه العهد يمك تجدد
و على خد حزنك دمع تلگانه ننهد
نارنه تحرگ وجه دجله و مَتبرد
شلون فوگ الجسر نعشك ماله أحد
نقراهه بولاء
آيات العزاء
غايب ،، يا روح الاسلام
•••
لساقك المرضوض جينه نصير بلسم
بلكي من اتشوف المنه ينّسي السـَـم
الجارحه جرحك عُمر عاش ايتألم
شاف حزنك بي شبه من طف محرم
رددنه بنحيب
الكاظم مو غريب
معناه ،، من معنى الاحكام
•••
معنى بيهه الخطوه والمعنى بمشينه
يعني يابو الرضا لنهجك ما نسينه
المؤمن البيك اقتده خطواته دينه
و كون شايل حزنك بنظرات عينه
بخطوات المسير
زين الكم يصير
الكـُم ،، ينذرهه الايام
•••
بالسواد وكل گلب باحزانه ذايب
سيدي اتعنينه تشييعك مواكب
غاليه وتدري انته بيهه بلا مآرب
دمعة اليعشگ علي بِنْ ابي طالب
و الصِرتوا هواه
بس حبكم غِناه
بحبكم ،، ميهم اذا انلام
•••
هوّه يوم البيه الزهراء اتألّم
العش على الشجرات كون يصير مأتم
و عالجسر لو رف علم موكب قره بهَم
عالجرف كون النوارس حزن تلتم
و دجله بنايبات
اتعرّج للفرات
وتذكر ،، مأساة الخيام
•••
سعد هادي الشمري
BY الشاعر سعد هادي الشمري
Warning: Undefined variable $i in /var/www/tg-me/post.php on line 280
Share with your friend now:
tg-me.com/Saadhadi83/5187